|
सहकारी
संस्थाका बचतकर्ताहरुलाई
डिभिजन सहकारी कार्यालय, रुपन्देहीको अनुरोध
के तपाई कुनै सहकारी संस्थाको
दैनिक,साप्ताहिक, मासिक वा अन्य कुनै बचत कार्यक्रममा
सहभागी भई नियमित बचत गर्दे हुनुहुन्छ - हुनुहुन्छ भने
निम्न कुराहरुमा अवश्य ध्यान दिनुहोला ।
-
तपाईले बचत गरिरहनु भएको संस्था
डिभिजन सहकारी कार्यालयमा दर्ता भएको छ वा छैन र
उक्त संस्थाले बचत संकलन गर्ने कानूनी अधिकार पाएको
छ वा छैन ? दर्ता नभएको वा बचत र ऋणको कारोबार
गर्ने स्वीकृती नपाएको सहकारी संस्थाले बचत संकलन
गर्नु गैर कानूनी हुनजान्छ ।
-
तपाईले बचत गरिरहनु भएको
संस्थाको सदस्यता प्राप्त गरी शेयर प्रमाणपत्र
पाउनुभएको छ वा छैन ? शेयर सदस्य नभएको व्यक्तिले
सहकारी संस्थामा बचत गर्न कानुनतः पाइदैन ।
-
तपाईले बचत गरिरहनु भएको
संस्थाको संचालक लगायत अन्य सदस्यहरुलाई राम्रोसंग
चिन्नु भएको छ वा छैन ? सहकारी संस्थाका सदस्यहरुले
एक अर्कालाई राम्रोसंग चिन्नु जरुरी छ ।
-
तपाईले बचत गरिरहनु भएको
संस्थाको साधारण सभाहरुमा तपाईलाई आमन्त्रण गरिन्छ
कि गरिदैन ? तपाईलाई पनि साधारण सभाको सुचना दिई
आमन्त्रण गरिनु जरुरी हुन्छ र तपाई जस्ता
सदस्यहरुको साधारण सभामा सक्रिय सहभागीताबाट नै
सहकारी संस्थाहरुमा आन्तरिक नियन्त्रणको पद्धति
मजबुत हुन्छ ।
-
तपाईले बचत गरिरहनु भएको
संस्थाको साधारण सभामा तपाईलाई मतदान गर्ने अधिकार
प्राप्त हुन्छ वा हुदैन ? सहकारी संस्थामा
प्रत्येक सदस्यलाई साधारण सभामा मतदान गर्ने बराबर
अधिकार रहन्छ ।
-
तपाईले बचत गरि रहनु भएको
संस्थाले तपाईलाई पासबुक उपलव्ध गराएको छ वा छैन ?
बचत संकलन गर्नु पूर्व संस्थाले तपाईलाई पासबुक
उपलव्ध गराउनु जरुरी हुन्छ र उक्त पासबुक
अद्यावधिक गराएर राखी रहनु पर्दछ ।
-
तपाईले बचत गरिरहनु भएको
संस्थाले आफुले गरेका महत्वपूर्ण गतिविधिहरुको
बारेमा तपाईलाई सुसुचित गराउने गरेको छ वा छैन ?
प्रत्येक सहकारी संस्थाले आफ्ना क्रियाकलापहरुको
बारेमा सदस्यहरुलाई जानकारी गराई पारदर्शीता कायम
गर्नु जरुरी हुन्छ ।
-
तपाईले बचत गरिरहनु भएको
संस्थाको कार्यक्षेत्र भित्र तपाई पर्नुहुन्छ कि
हुँदैन ? सहकारी संस्थाले आफ्नो कार्यक्षेत्र
बाहिर गै बचत संकलन गर्नु गैर कानूनी हुन्छ ।
-
तपाईले बचत गरिरहनु भएको
संस्थाले आर्जन गरेको मुनाफाको वितरणमा तपाईलाई
सहभागी बनाइन्छ कि बनाइदैन ? सहकारी संस्थाले
आर्जन गरेको मुनाफामा सबै सदस्यहरुको न्यायोचित हक
रहेको हुन्छ ।
उपरोक्त्त बिषयहरुमा तपाईको सचेतना
र सक्रियताले सहकारी संस्थाहरुलाई गलत मार्गतिर जानबाट
रोक्नमा र तपाईको बचतलाई सुरक्षित राख्नमा योगदान पुर्याउन
सक्दछ ।
========================================================
|
